توره /سيف الله بريال

د نیکه توره مې تر مــلا تـــــړمه
بـــــیا به هم هغه شـــان کلا تړمه

ځـــم د کابل نه د ډهلي په لوري
ټـــــول افغانان به ســـره بیا تړمه

د احمد شاه تاریخ به کړمه ژوندی
جګه شـــــــــمله به خامـــخا تړمه

پاڅــــــی زما ویده، ویده پښتنــــو
ګنــــې دا زړه به نور په چا تړمه

دا خپل شلیدلی ګریوان نه ګـندمــه
د خـپل نیکه ټوپـک تر شا تړمـــه

پریږدﺉ چې وینې مې له تنه وځي
نــیت د یرغـــل به نن ســــبا تړمه

بریال ولاړ د قربانۍ میدان کــــې
لاســـــونــــه دواړه په دعــا تړمه

سيف الله بريال
ننګرهار،جلال آباد
Saifkhan.afghan@gmail.com